Province of Iloilo — May kapaltahan sa police security ang pila ka police stations sa probinsya.

Ini ang natukiban ni National Police Commission VI Regional Director Atty. Joseph Celis sa gin-conduct nga regular kag spot inspections sa mga police stations sang nagligad nga semana. Gintumod ni Celis  ang Barotac Nuevo Police Station nga wala sang desk officer kag security detail bisan may yara sang mga personnel.

Sa Ajuy naman, naabtan ni Celis nga wala sang tawo ang police station.

Wala man suno sa iya sang desk officer, security detail kag 7 ka on-duty personnel halin alas 8 sa gab-i tubtub alas 8 sa aga.

Sa Concepcion, nakita ni Celis nga naka-tsinelas ang naka-duty nga police gani ginhambalan niya nga mag-ilis bangud nagalapas sa office protocol.

Ginpaathag ni Celis nga lain ang nature sang trabaho sang police kag indi puwede mabayaan. May shifting ang mga personnel gani wala sang rason suno sa iya nga mabakantehan ang security detail.

Ini man ang rason suno kay celis kon ngaa gin-atake sadtu sang NPA ang Maasin Police Station. Pangayuan sang paathag ni Celis ang mga police stations nga natukiban nga may kapaltahan sa ila pag-inspeksyon.

(att)N

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply