ERC, nagpangayo sang paathag sa PECO angut sa reklamo sang pila ka kompaniya lakip na ang Aksyon Radyo Iloilo kag Love Radio suno kay Councilor Alim

Iloilo City — Ginapangayuan sang Energy Regulatory Commission sang paathag ang Panay Electric Company angut sa pila pa ka reklamo batuk sa kompaniya.

Suno kay Councilor Joshua Alim nga nagapanguna sa kawsa agud mapalab-ut sa ERC ang mga reklamo, nabaton niya ang notice nga nagahatag sa PECO sang 15 ka adlaw agud magpa-athag sa reklamo sang Aksyon Radyo nga unexplained billing kag reklamo sang Love Radio Iloilo nga erroneous billing.

Sa public hearing sang Committee on Public Utilities and Services nga ginpamunuan ni Senator Grace Poe sa Iloilo sang damlag lang, gin-ako ni Mr. Mikel Afzelius, corporate communications officer sang PECO, nga nagabilling sila bisan wala sang reading bangud indi nila makita ang kuntador sang konsumedor. (JoMaque)