Tagdumalahan sang Ban-ag Elementary School sa Sta. Barbara, ginreklamo matapos ginpahayag nga ginpabayran sa estudyante ang unsettled account antes ma-enroll
Sta. Barbara, Iloilo — Nagreklamo ang amay nga nagapanukot ang tagdumalahan sang Ban-ag Elementary School sa Brgy. Ban-ag, Sta Barbara sa enrollment para sa school year 2018-2019.
Suno sa wala nagpakilala nga ginikanan, kinahanglan bayaran sang estudyante ang ila unsettled account sang nagligad nga tuig para ma-enroll subong nga school year.
Ginreklamo sang ginikanan ang Php 7.00 kada bulan nga ginasukot sa mga estudyante halin sa kindergarten tubtob sa grade 6 para sa ILECO.
Ginpahayag naman ni Melliza Pagayon, head techer sa amo nga eskwelahan, nga indi mandatory ang pagbayad sang unsettled account para ma-enrol ang estudyante.
Dugang niya, naaprubahan sang Parents and Techears Association ukon PTA ang pagkolekta sa mga estudyante para sa balayran sa ILECO.
Una na ginpahayag ni DepEd VI Spokesperson Lea Belleza nga wala sang balayran ang mga estudyante sa mga pampubliko nga mga eskwelahan sa pagbukas sang klase sa Lunes, Hunyo 4, sandig DepEd Order Number 41 ukon No Collection Policy. (JoMaque)