Barangay tanod, patay matapos nabungguan sang bus ang ginamaneho nga motorsiklo
Sara, Iloilo – Patay ang barangay tanod sang nagbunggo-anay ang Ceres bus kag motorsiklo sa Brgy. Padios kagab-i.
Sa imbestigasyon ni PO2 Francis John Aricaya sang Sara Police Station, nagsugat-anay ang Ceres bus nga ginamaneho ni Romar Pama sang Brgy Antonio Yusay, Sara kag ang motorsiklo nga ginamaneho naman ni Barangay Tanod Jhon Betita, 41 anyos sang Brgy. Bacabac, Sara.
Nagapakadto suno sa iya ang bus sa Concepcion samtang nagapakadto naman ang motorsiklo sa Sara sang natabu ang aksidente.
Suno kay PO2 Aricaya, napatay sa aksidente si Betita bangud sang pilas sa ulo kag tiil. (JoMaque)