Sangguniang Panlalawigan, magahiwat sang ocular inspection sa gin-alegar substandard housing project sa banwa sang Concepcion

Provincial Capitol, Iloilo City–Mahimo sang ocular inspection ang Sangguniang Panlalawigan sa ginpahayag sub-standard housing project sang National Housing Authority sa Barangay Bacjawan Sur, Conpceion.

Gin-confirmar ni Board Member Renee Valencia, Chaiperson sang Committee on Good Government, nga bisitahan nila ang housing project sa Biernes kaupod ang mga miembro sang Committee on Infrastructure kag Committee on Housing.

Gin-ako ni Valencia nga wala sila sang gina-uyatan nga kopya sang plano kag specifications sang proyekto gani gin-imbitar nila ang taga-DPWH kag Provincial Engineer’s Office nga magpa-athag sa technical nga aspeto sang construction.

Sa public hearing sang Mayo 28, gin-alegar nga substandard ang 289 milyones pesos nga proyekto kag sa isa ka libo ka balay nga ginsuguran tukod sang 2016, 450 ka units pa lang ang nakumpleto. Ginpanindugan naman sang contractor nga Hercar Builders nga nasunod nila ang standard specifications kag ginsuportahan man sang NHA. (AGB)