38 ka mga proyekto sa syudad, delayed ang pag-obra suno sa DPWH-Iloilo City District Engineering Office

Iloilo City — 38 sa 135 ka proyekto sa idalum sang DPWH-Iloilo City District Engineering Office ang may negative slippage ukon delayed ang pag-obra.

Suno kay Engr. Rodney Gustilo, head sang DPWH ICDEO, 21 ka proyekto ang delayed na bangud sang fault sang contractor kag 17 ang bangud sa obstructions kag road right of way. Ginpahayag ni Gustilo nga 49 naman ang nakumpleto na.

Ginpa-athag ni Gustilo nga may patakaran sila nga ginasunod kon may negative slippage na ang mga contractors—ginapadal-an nila sang notice kon 5% ang slippage, warning kon 10% kag ginarekomendar nga i-terminate ang kontrata kon 15%.  Ginabayaran suno kay Gustilo ang contractor sang natapos pagkatapos sang inventory apang irekomendar sang ahensya nga iblacklist na ang pagpasakup sa bidding sang mga government projects. (JoMaque)