Anay spokesperson sang Philippine National Police-Chief Supt John Bulalacao, nagpungko na nga bag-o nga director sang Police Regional Office 6

Camp Delgado, Iloilo City–Nagpungko na si Chief Supt. John Bulalacao nga bag-o nga regional director sang Police Regional Office 6 pagkatapos sang turn-over of command ceremony sa Camp Delgado kaina sang aga.

Nangin bisita sa kahiwatan si Directorate for Integrated Police Operations ukon DIPO Visayas head Police Director Rolando Felix. Gin-athag ni Felix nga promotion ang rason sang pag-relieve kay Chief Supt. Cesar Hawthorne Binag nga magapungko nga head sang Directorate for Information and Communication Technology Management sa Camp Crame.

Kumpiyansa si Felix nga mapadayon ni Bulalacao ang mga naumpisahan ni Binag sa PRO 6.

Si Binag ang labing una sa ila klase sa PMA Class 1988 nga nahatagan sang mataas nga posisyon sa Camp Crame kag mangin 2-star general na. Si Bulalacao ang anay spokesperson sang Philippine National Police antes ginsaylo sa Western Visayas. (AGB)