Pototan, Iloilo–Nakakumpiska sang mga kontrabando sa greyhound operation sa Iloilo District Jail sa Barangay Nanga kaina sang aga.

Suno kay Jail Supt. Vicente Papelera, Jail Warden sang IDJ Nanga, Pototan, pila sa mga narecover ang apat ka cellphones, cellphone chargers, pool table, baraha, sigarilyo, lighters, gunting, mga pornographic DVDs, DVD player kag iban pa nga bagay nga puwede mahimo nga hinganiban.

Ginpa-idalum man sa random drug test ang 50 por siento ukon 25 ka detainees sa Special Intensive Care Area ukon SICA, 10 ka preso sa Dorm 2 kag 10 man ka preso sa Dorm 4 apang negatibo ang resulta. Wala man suno sa iya sang may narecover nga illegal drugs sa presuhan ilabe na sa SICA.

Ini ang una nga greyhound operation kag random drug test nga gin-conduct sa IDJ-Nanga sa idalum sang pagpamuno ni Papelera nga nagsugod sa pagpangalagad sang Hunyo 1.

Ginpangunahan sang Philippine Drug Enforcement Agency 6 kag Bureau of Jail Management and Penology 6 ang greyhound operation. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply