Driver sang motorsiklo, patay matapos na-aksidente sa ginakay-o nga dalan sa Anilao

Anilao, Iloilo–Patay ang driver sang motorsiklo matapos naaksidente sa ginapalapad nga dalan sa Barangay Sambag Culob, Anilao pasado alas-2 kaina sang kaagahon.

Suno kay Inspector Menrico Candaliza, OIC sang Anilao Police Station, ginkilala ang napatay kay Leonel Abelito sang Barangay Palaypay, Anilao nga may patal nga pilas sa ulo. May minor injuries man ang iya angkas nga menor-de-edad.

Nagapauli na si Abelito halin sa Barotac Nuevo sang nahulog ang iya ginamaneho nga motorsiklo sa ginakay-o nga dalan. Nagtabog ang driver kag nag-igo ang ulo sa konkreto nga parte sang karsada.

Wala man naka-inom si Abelito suno sa police apang posible nga madasig ang dalagan sang iya motorsiklo. (AGB)