Lalaki sa Estancia, dakup sa buy bust operation
Estancia, Iloilo -Nakumpiskar ang tatlo ka sachets sang suspected shabu, mga armas kag mga bala sa subject sang buy bust operation sa Poblacion Zone 2, Estancia kahapon.
Ginkilala ang nadakpan kay Adnan Sinugbuhan, 28 anyos sang amo man nga lugar. Suno kay Chief Inspector Jonah Galicha, hepe sang Estancia Police Station, nakuha sa kuwarto sa sulod sang talyer sa diin nadakpan ang subject ang 38 caliber revolver; homemade shotgun; 15 ka bala sang caliber 45; 67 ka balay sang .22 caliber; 15 ka bala sang 38 caliber; 18 ka empty shells sang 38; apat ka bala sang 9mm; isa ka silencer kag duha ka long magazine.
Ginconfirmar ni Galicha nga nadakpan na sang una si Sinugbuhan sa pot session apang nakaguwa. I-verify pa sang Estancia police sa Camp Crame kon may record ang mga pusil nga nakumpiskar kag kon involved ang subject sa iban pa nga illegal activities. Nanginwala si Sinugbuhan sa mga akusasyon batuk sa iya. (JoMaque)