(UPDATE) Isa pa sa mga contractors sang delay nga road projects sa syudad, nagpanindugan nga wala sila sang problema sa mga tinawo kag equipment

Iloilo City–Indi magkomento ang isa sa mga contractors nga ginpatawag ni DPWH Iloilo City District Engineering Office Head Engr. Rodney Gustilo sa saligmato nga rason kon ngaa delay ang mga road projects sa syudad.

Suno kay Engr. Jim Arcenio sang J. Cordon Construction, indi rason sa ila ang limitado nga tawo kag equipment. Kon usisaon suno sa iya ang mga dokumento, may bastante sila nga tinawo kag equipment.

Ginbasol sini sa delay nga pag-obra ang obstruction sa ginakay-o nga dalan pareho sang mga tubo sang MIWD kag poste sang PECO.

Ang J. Cordon Construction isa sa pito ka contractors nga may delay sa trabaho nga ginpatawag ni Gustilo agud magpaathag sa publiko kahapon. (AGB)