Pag-relieve sa 4 ka police nga nakit-an sa bulangan, dapat magserbe nga paandam sa tanan nga kapulisan suno kay PRO 6 OIC PCSupt John Bulalacao

Iloilo City — Magaserbe nga warning ang pagpatawag ni Police Regional Office 6 Director Chief Supt. John Bulalacao sa apat ka pulis sa Western Visayas nga nakuhaan sang litrato sa sulod sang bulangan.

Suno kay Senior Supt. Martin Defensor, head sang Regional Headquarters Support Group, may counter-intelligence sa Kampo Delgado gani sigurado nga madakpan gid ang mga pulis nga pasaway. Dapat suno kay Defensor nga mangin seryoso ang mga pulis nga sundon ang mga polisa sang PNP.

Isa sa mga ginpatawag ni Bulalacao ang tinawo ni Defensor nga si PO3 Noli Gallaron nga nag-ako nga nagsulod sa bulangan sang Abril subong nga tuig apang ginrason nga off-duty sini. Ginsulit ni Defensor nga ginadumilian ang tanan nga pulis nga magsulod sa bulangan anuman nga oras, may duty man ukon off-duty.

Magluwas kay Gallaron, ginpangayuan man sang paathag kag ginsaylo sa Regional Personnel Holding and Accounti Unit sanday PO1 Wilmar Sompio,  PO1 Ryan Villareal sang Sapian Police Station sa Sapian, Capiz kag SPO1 Jose Roy Sandoval assign sa San Carlos City Police Station sa Negros Occidental. (JoMaque)