Iloilo City — Talakayon sa committee hearing ni Councilor Candice Tupas, chairperson sang Committee on Tourism sa City Council, ang financial report sangĀ  Iloilo Dinagyang Foundation Incorporated.

Suno kay Tupas, lakip sa diskusyunan ang resolution ni Councilor Joshua Alim nga maghiwat sang fact-finding investigation sa statement ni choreographer Rommel Flogen sa media interview nga na-offend ang taga-IDFI sa iya pahayag nga wala nagdaug ang Dinagyang contingent sa Aliwan Fiesta sang Manila Broadcasting Company bangud kulang sa budget.

Nagpasalig si Tupas nga tutukan ang pahayag ni Flogen bangud sa iya pagkahibalo, naghatag ang syudad sang 18 million pesos nga budget sa 50th Dinagyang Festival. Base sa record, 4.2 million pesos ang gintigana sang IDFI nga budget para sa Aliwan Fiesta.

(att)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply