Negros Occidental — (UPDATE) — Nadakpan na ang 21-anyos nga magulang nga ginatudlo brutal nagpatay sa iya tatlo ka mga manghod nga lunsay mga menor de edad paagi sa paglaslas sa ila leog sa Brgy. Marcelo, Calatrava kahapon.

Suno kay Marcelo, Calatrava punong barangay Jeremias Diotay, nagpanago ang suspect nga si Junmark Melibo sa buho nga natabunan sang mga lukay malapit lang sa ila balay.

Nakibot ang pumuluyo nga nagtutod sa mga lukay sang hinali lang may naghulag kag nakit-an ang suspect nga nagapanago sa idalum sini.

Gindala na sa Calatrava Police Station ang suspect.

Makabig nga may deperensiya sa paminsarun ang suspect suno sa punong barangay ilabe na ginpahayag sini nga ginasugo siya sang demonyo.

Ginpahayag man sang suspect nga may pamatyon pa siya nga iban magluwas sa iya mga manghod nga kanday Jhorenz, 14-anyos; Alejandro, 5 ka tuig; kag Gregor nga isa ka tuig suno kay Diotay.

Nagapati ang punong barangay nga posible naka-contribute sa paghimo sang suspect sang krimen ang pagbulagay sang ila ginikanan, pagtenir sang ila iloy sa Manila kag kapaslawan nga maka-eskwela sa kolehiyo.

Nahamyang sa punerarya sa Toboso, Negros Occidental ang mga biktima.  (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply