Makabaton sang kuwarta sa idalum sang Human Rights Victims Reparation and Recognition Act of 2013 ang pila ka politiko sa syudad nga mga biktima sang human rights violations sa tion sang Martial Law.

Ginkumpirmar ni Atty. Jonie Dabuco sang Commission on Human Rights Region 6 nga nag-apply sang reparation sanday Vice Mayor Jeffrey Ganzon nga bata ni the late Senator Rodolfo Ganzon kag Councilor Ed Peñaredondo nga napreso sang Martial Law. Samtang nag-apply for recognition si Lone District Cong. Jerry Treñas nga nadetain man sang estudyante pa siya.

Suno kay Dabuco, may linibo man ka aktibista sa Western Visayas nga nag-apply para sa reparation sa CHR Region 6.

Sa 25,000 mga human rights victims nga nag-apply sang claims, 11 mil 103 lang ang na-aprobahan sang Human Rights Victims’ Claims Board bangud kalabanan ang wala sang may ginpakita nga pruweba.

Makuha sang mga human rights victims ang ila reparation halin sa 10 billion pesos nga secret Swiss bank deposits ni the late President Ferdinand Marcos nga narecover sang gobyerno. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply