Driver, patay matapos naigo sang rim sang naglupok ang goma sang trailer van sa Lapaz

Iloilo City–Patay ang 50-anyos nga driver matapos naigo sang rim sang naglupok ang royda sang trailer van sa Coastal Road, Brgy. Ticud, Lapaz.

Suno kay PO3 Joey Lopez, traffic investigator sa Lapaz Police Station, napatay si Rey Labos sang Brgy. Hechanova, Jaro bangud sang pilas sa ulo.

Napilasan naman sa ti-il ang manghod ni Rey nga si Virly apang luwas na sa katalagman.

Na-flat ang goma sang van kag ilisan kuntani sang driver sang natabu ang insidente. (AGB)