Mandu para sa dugang nga sweldo sa mga trabahador sa Western Visayas, nagasakop sang mga contractual employees – RTWPB
Iloilo City — Sakup sang gin-aprubahan nga Wage Order Number 24 nga nagamandu sang increase sa minimum wage ang mga contractual workers sa pribado nga kompaniya.
Paathag ni Mr. Wennie Sancho nga labor representative sa Regional Tripartite Wages and Productivity Board sa Western Visayas, sa DOLE Department Order Number 18-A series of 2011, entitled sang mga rights kag privileges sa Labor Code ang mga contractual employees. Nagakahulugan suno kay Sancho nga magabaton man sang saka sa sweldo ang mga nagatrabaho sa janitorial services, mga security guards kag mga nagatrabaho sa malls.
Base sa Wage Order Number 24, mahimo na nga 365 pesos ang minimum wage sa mga pribado nga kompaniya nga may masobra 10 ka empleyado. Samtang sa private companies nga may 10 panubo nga empleyado kag sa agricultural sector, mahimo na nga 295 pesos ang minimum wage. Maga-epekto ang bag-o nga minimum wage kon ma-publish ang mandu. (JoMaque)