Mga naga-operate nga bookies sa probinsya, isa isa na nga ginakilala suno kay IPPO Director Marlon Tayaba

Iloilo — May mga bookies operators sa nagkalain-lain nga distrito sa probinsya base sa impormasyon nga nakalab-ut sa Iloilo Police Provincial Office.

Suno kay IPPO Director Senior Supt Marlon Tayaba, wala pa sila sang profile sang financier sa first district. Rebel returnee naman ang naga-operate sa parte sang first district kag sa second district kag konektado sa naga-operate sa Iloilo City.

Ginpahayag pa ni Tayaba nga naka-base sa Janiuay ang financier sa third district samtang sa fourt district, may naga-base sa Barotac Nuevo kag sa Passi City. Naka-base naman ang financier sa fifth district sa Sara kag ginpahayag nga konektado man sa syudad.

Samtang sa impormasyon nga nabaton ni PRO 6 Director John Bulalacao nga may retired police official nga nagapa-papel sa anti-illegal gambling operations sa probinsya, ginpahayag ni Tayaba nga may ginasunod na sila nga mga personalidad apang ginapadalman pa ang imbestigasyon agud makakuha sang nagakaigo nga ebidensya. (JoMaque)