8-anyos nga bata, nagreklamo nga ginlugos sang 53-anyos nga lolo
Lambunao, Iloilo – Preso na sa Lambunao Police Station ang 53 anyos nga lalaki nga ginreklamo sang walo ka tuig nga bata nga babaye nga naghimulos sa iya.
Suno kay PO2 Kathrina Libuna, imbestigador sa Women and Children’s Protection Desk sang Lambunao MPS, ginakabig na sang bata nga lolo ang suspek bangud nga ang asawa sini, utod sang lola sang tagreklamo.
Base sa pagpangusisa ni Libuna, lapitay lang ang balay sang bata kag suspek. Dugang sang pulis, kon makita sang suspek ang bata, ginahatagan niya ini sang kuwarta, ginadala sa kakugnan kag didto ginahimo ang paghimulos.
Pinaka-ulihi suno sa bata nga ginhimo ini sang suspek kahapon sang udto.
Nanugid ang bata sa iya tiya nga amo naman ang nagpahibalo sa police gani gin-operate ang suspek kag nadakpan. (JoMaque)