Mga Contractors, Wala Nagbatu Sa P190-Million Nga Proyekto Sang DPWH
Iloilo City — Wala sang mabatu nga contractor sa proyekto nga drainage kag detention tank sa Zamora-Rizal area sa city proper. Ini bisan pa daku ang pondo sa proyekto nga nagalab-ut sa P190-million.
Suno kay Engr. Mavie Gustilo sang DPWH 6, duha ka beses na nga na-failure ang bidding sa proyekto.
Wala man suno sa iya sang local contractor nga nagpasakop sa bidding bangud nakita na nila ang kabudlay nga nabatyagan sang Sargasso Construction sa paghimo sang detention tank sa Jalandoni, City Proper.
Nagpasakop sa napaslawan nga bidding ang Sargasso pero wala gin-award sa ila ang kontrata bangud sang ila slippage sa una nila nga proyekto.
Dugang niya, nabudlayan ang mga contractors sa mga proyekto sa siyudad bangud sang trapik, madamo nga wirings kag may tubig sa idalum.
Magluwas dire, madamo sang nagabantay sa proyekto ilabe na ang katapo sang media.
(att)