Mandurriao, Iloilo City — (UPDATE) Gin-ako sang Department of Public Works and Highways (Dpwh Region VI) nga nagasulod ang tubig sa underpass nga nagaangut sa Esplanade 1 kag Esplanade 3, Diversion Road kon magta-ub kag maglawig ang pagtupa sang ulan.

Suno kay Dpwh Region VI spokesperson Vivian Tan, gindisenyo ang underpass agud magserbi nga pedestrian area para safe nga magtabok ang mga naga-jogging sa Esplanade.

Ang underpass suno kay Tan kabahin sang P82 million nga improvement sang karsada sang Diversion pakadtu sa Jalandoni, Jaro.

Nagtaas sang duha ka tapak ang tubig sa underpass sang Hunyo 15 kag 16 bangud sang wala-untat nga pag-ulan.

Ginpahayag ni Tan nga madugay maghubas ang tubig sa underpass bangud ginkawat ang submersible electric motor sang nagligad nga bulan nga amo kuntani ang magasuyop sang stagnant water. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply