Mayor Joe Espinosa, nagdesisyon na nga magpapili bilang alkalde sang syudad sa 2019 elections

Iloilo City — Pinal na ang desisyon ni Mayor Joe Espinosa nga magpadalagan sa pagka-alkalde sa syudad sa 2019 elections. Suno kay Espinosa, yara na siya sa puwesto kag iya na lang ini nga padayunon.

Wala naman sang plano si Espinosa nga magpadalagan sa pagka-congressman bangud sino sa iya para lang ini sa mga maalam. Wala pa man sang may ginpaguwa nga listahan sang iya line-up ang alkalde.

Una na gin-anunsyar ni City Lone District Congressman Jerry Treñas nga ginaduso siya sang kalabanan nga mga punong barangay nga magpadalagan sa pagka-mayor sa syudad.  Ginakonsiderar man sini ang iya bilas nga padalaganon sa pagka-kongresista sa iya linyada. (JoMaque)