Iloilo City–Pabalik-balik na lang ang problema sa trapiko sa syudad kun magbukas ang klase.

Base ini sa obserbasyon ni Iloilo City Loop Alliance of Jeepney Owners and Drivers Association ukon ICLAJODA President Raymundo ‘Boyet’ Parcon sa pila ka dalanon sa syudad kahapon. Gintumod nga mga problema ni Parcon ang mga obstruction sa dalan pareho sang naga-illegal parking, nagapadayon nga road construction kag kun kaisa, kulang ang traffic aides sa pila ka intersection.

Indi man makabulig suno sa iya ang traffic lights kon aga bangud nagaka-delay ang pagbalik sang mga salakyan sa mga PUJ terminal kabangdanan madamu nga pasahero ang nagaka-stranded.

Plano ni Parcon nga magpadala sang report sa city council sa iya nangin oberserbasyon agud mapangayuan sang solusyon ang problema sa trapiko kon magbukas ang klase. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply