Counter-Intelligence Task Force, target ang mga pulis nga involved sa illegal nga mga aktibidad sa rehiyon suno sa Police Regional Office 6

Kampo Delgado, Iloilo City— Ginconfirmar ni Police Regional Office 6 Spokesperson PSUPT Joem Malong ang presensya sang Counter Intelligence Task Force sa Western Visayas agud mag-target sang mga pulis nga involved sa illegal nga aktibidad.

Wala sang ideya si Malong kon san-o nag-abot sa Iloilo ang CITF bangud naga-coordinate lang sila sa police regional offices. Wala man siya sang ihibalo kon pila ka personnel ang nagabug-os sang team kag ang ila identity.

Ang nahibaluan lang ni Malong, nagahulag na ang team agud magbantay kag magdakup sang police scalawags apang wala sila sang existing nga opisina sa rehiyon.

Gintukod ang CITF matapos ginmanduan ni Presidente Rodrigo Duterte ang Philippine National Police nga indi na magpartisipar sa illegal drug operations kasunod sang involvement sang pila ka police officers sa pagkidnap kag pagpatay kay Korean businessman Jee Ick-Joo. (AGB)