Lambunao, Iloilo–Nagapalanggit-om na samtang nagabitay sang nasapwan sang iya bata ang 56-anyos nga empleyado sang Local Government Unit Lambunao kaina sang kaagahon.

Suno kay SPO2 Edward Lesondra, imbestigador sa Lambunao MPS, nakibot ang menor-de-edad nga bata sang nasapwan ang iya amay nga si alyas Mark nga nagabitay sa ila balayan gamit ang nylon. Gindala pa sa ospital si Mark apang gindeklarar dead-on-arrival.

Suno pa kay Lesondra, may ginbilin nga suicide note si Mark kag naga-sorry sa iya asawa.  May lima ka mga kabataan ang mag-asawa. Ang asawa ni Mark ang nagatrabaho sa syudad kag kada semana kun magpauli sa ila balay.

Wala sang may nakita nga mga pilas sa lawas ni Mark magluwas sa injury sa iya liog. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply