Camp Delgado, City Proper — Ginabantayan ang mga pulis sa rehiyon agud madakpan ang mga scalawag nga nagamusing sa imahe sang Philippine National Police.

Pahayag ini ni Police Regional Office 6 Spokesperson Supt. Joem Malong matapos gin-confirmar nga may team ang Counter-Intelligence Task Force sa Western Visayas. Target sang team suno kay Malong ang mga pulis nga involved sa illegal nga mga aktibidad.

Wala sang ideya si Malong kon san-o nag-abot sa rehiyon ang task force bangyud wala man sila sang opisina sa PRO 6.

Gintukod ang Counter-Intelligence Task Force matapos ang mandu ni Presidente Rodrigo Duterte nga indi dapat mag-intra sa illegal drug operations ang Philippine National Police. Kasunod ini sang pagkadalahig sang pila ka police officers sa pagkidnap kag pagpatay kay Korean businessman Jee Ick-joo.

(att)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply