BRA, USED CONDOM KAG UNDERWEAR, NAKIT-AN SA TAGO NGA PARTE SANG ESPLANADE UNDERPASS
Iloilo City–Liwat nagdanaw sa Esplanade underpass kabangdanan indi na naman maagyan.
Pero sang liwat gin-usisa sang Aksyon Radyo ang area, nasiplatan ang bra, naggamit nga condom kag underwear.
Nahibaluan ini matapos nagpanugid ang mga nagapamunit malapit sa lugar.
Nakita ang mga ini malapit sa ginplastar nga plywood sa portion sang underpass nga nalipdan kag indi halos makita sang mga nagalabay. Indi man ini malab-ut sang baha ukon danaw bangud may taklason pa nga dyutay antes makita ang bra, condom kag underwear.
Suno kay alyas Toto, masami nga nagapamunit sa lugar bisan gab-i na, nakita sini sang tinalikdan nga gab-i nga may babaye kag lalaki nga nagsulod sa underpass kag sa iya pagpati may ginhimo nga kamala-malahan. (JoMaque)