LTFRB 6, nagahulat pa sang memorandum halin sa central office para sa pagpasaka sang pamasahe sa mga PUJs sa P9 halin sa P6.50

Iloilo City — Ginahulat sang Land Transportation Franchising and Regulatory Board regional office 6 ang memorandum halin sa ila central office sa approved fare increase sang depasahero nga mga jeep sa Western Visayas.

Suno kay LTFRB 6 Director Richard Osmeña, sakup sang gin-aprubahan nga petition ang bilog nga rehiyon kag indi lang sa syudad kag probinsya sang Iloilo. Ginpahanumdom ni Osmeña ang mga drivers nga indi pa epektibu ang bag-o nga pletehan bangud wala pa sila nakahimo sang fare matrix nga itapik sa salakyan.

Mahimo nga multahan ang driver nga magpanukot bisan wala pa sang matrix.

Kon ma-implementar, mahimo na nga 9 pesos halin sa 6 pesos kag 50 sentimos ang regular nga plete sa mga jeep sa una nga siyam ka kilometro kag may dugang nga piso sa masunod nga kada kilometro. Maka-avail naman sang 20 porsyento nga diskwento ang mga estudyante, senior citizens kag persons with disabilities.

(JoMaque)