Iloilo City–Simple kag mangin non-partisan ang mass oath-taking sang mga barangay officials nga pangunahan buwas, Hunyo 24, ni 4th District of Iloilo Congressman Ferj Biron.

Suno kay Biron, ginabanta sa 8,000 tubtob 10,000 ang magatipon sa aktibidad sa University of San Agustin, las dos sa hapon. Lakip sa mga magasumpa ang mga Barangay Kapitan, Barangay Kagawad kag SK chairpersons sa second, fourth kag fifth districts.

Pero may masumpa man suno kay Biron nga mga opisyal halin sa Janiuay kag Maasin sa third district kag Oton, Tigbauan, Miag-ao kag Tubungan sa first district. Gin-ako ni Biron nga wala siya naka-istorya sa mga alkalde sang amo nga mga banwa.

Gin-athag naman ni Biron nga wala sang labot ang partido sa aktibidad buwas. Reaksyon ini sang kongresista sa report nga may mga identified sa PDP-Laban nga magasumpa man buwas. Suno kay Biron ma-take oath ang mga opisyal sa ila bag-o nga mandate kag indi sa partido. Si Biron ang miyembro sang Nacionalista Party.

Simple man ini suno sa iya kabangdanan wala sang dalagku nga personalidad nga gin-imbitar.

Si Biron ang isa sa mga ginalantaw nga magakandidato sa pagka-gobernador sa 2019 elections. Gin-athag sini nga indi siya oposisyon bangud nagasuporta man siya sa Duterte administration.

Kun madayon, mabunggo ni Biron sa gubernatorial race ang mga Defensor nga yara naman sa idalum sang PDP-Laban, ang partido ni Presidente Rodrigo Duterte.

Nagpamalibad si Biron nga hingadlan ang iya mangin runningmate pero may mga “serious contenders” suno sa iya para sa amo nga posisyon sa iya linyada.

Buwas man maga-take oath sa Iloilo Convention Center ang mga barangay officials halin sa first, second, third kag lone district sang siyudad suno kay Governor Art Defensor. Bisita sa programa si House Speaker Pantaleon Alvarez. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply