Western Visayas — Nagpamatok ang Department of Education nga ipaidalum sa mandatory drug test ang tanan nga mga estudyante sa elementarya halin sa Grade 4 kag pasaka.

Suno kay DepEd 6 Assistant Regional Director Dr. Victor De Gracia, mga estudyante sa sekondarya kag kolehiyo lang ang mahimo ipaidalum sa random drug test base sa Dangerous Drugs Act.

Nanindugan si De Gracia nga indi pa handa psychologically ang mga estudyante sa elementarya sa amo nga lihok kag posible sila ma-trauma.

Sang nagligad nga bulan, ginpaidalum sa drug test ang tanan nga personnel sang Dep Ed central, regional kag division offices suno kay De Gracia apang wala pa sang resulta.

Matandaan, ginaduso sang Philippine Drugs Enforcement Unit sa Dangerous Drugs Board nga magdihon sang pagsulundan para mapaidalum sa mandatory drug test sa tanan nga mga estudyante halin Grade 4 kag pasaka sa mga pampubliko kag pribado nga mga eskwelahan.

Lakip sa ipaidalum sa mandatory drug test ang tanan nga mga manunudlo kag mga personnel sang eskwelahan. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply