Leon, Iloilo — Nagpanguna ang Leon sa Western Visayas bilang highly susceptible sa landslides suno sa Mines and Geosciences Bureau sang Department of Environment and Natural Resources ukon DENR 6.

Suno kay MGB 6 Director Leo Juguan, ini ang base sa ginconduct nga geohazard mapping sang ila opisina.

Mabukid ang Leon suno kay Juguan rason susceptible ini sa landslides nga resulta sang pag-ulan.

Magluwas sa Leon, 9 ka mga banwa sa probinsya ang highly susceptible sa landslide suno kay Juguan nga ginabugusan sang Tubungan, Igbaras, Miag-ao, San Joaquin, Maasin, Janiuay, Calinog, Lambunao kag Alimodian.

Highly susceptible naman sa pagbaha ang Zarraga, Pavia, Dumangas, Leganes, Barotac Nuevo, Pototan, Dingle, San Enrique, Passi City kag Calinog.

Napahibalo na ang mga Local Government Units sang natungdan nga mga banwa suno kay Juguan para mangin preparado sila. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply