(UPDATE) Police Regional Office 6, nanginwala sa akusasyon nga gobyerno ang nagpapatay kay Bakhaw, Mandurriao Punong Barangay Remia Prevendido-Gregori

Kampo Delgado, Iloilo City–Nanginwala ang Police Regional Office 6 sa akusasyon nga gobierno ang sa likod sang pagtiro patay kay Bakhaw, Mandurriao Punong Barangay Remia Prevendido-Gregori sa ila beach resort sa Barangay Igcadlum, San Joaquin kahapon.

Suno kay PRO 6 Spokesperson PSUPT. Joem Malong, ginatinguhaan sang mga otoridad nga hibaluon ang motibo kag identity sang mga suspetsado sa krimen.

Nagmandu na suno sa iya sang matul-id nga imbestigasyon si PRO 6 Director PCSUPT Jhn Bulalacao agud mahibaluan kon may grupo nga involved sa pagpatay sa punong barangay.

Ginpasalig sini nga wala ginapabay-an sang PRO 6 ang mga kaso sang drug personalities sa syudad nga ginpatay man pareho kay PDEA 6-identified drug group leader Melvin ‘Boyet’ Odicta kag asawa sini nga si Meriam Odicta. (AGB)