Bakhaw, Mandurriao PB Remia Prevendido-Gregori, napatay bangud sang lima ka igo sa lawas base sa autopsy

Iloilo City — Napatay bangud sa multiple gunshot wounds si Bakhaw, Mandurriao Punong Barangay Remia Prevendido-Gregori base sa resulta sang pag-autopsy ni Dr. Owen Libaquin, medico legal officer sang crime laboratory sa Police Regional Office 6.

Suno kay Libaquin, may lima ka igo si Prevendido-Gregori, isa sa tuo nga butkon kag apat sa tuo nga parte sang dughan, tatlo diri ang naglapos sa iya wala nga kilid. May nakuha nga slug sang ginapatihan 45 caliber pistol sa lawas sang punong barangay. Mas mataas ang nahamtangan sang gunman suno kay Libaquin.

May isa naman kay pilas sa wala nga parte sang liko lapos sa tuo nga suso ang yaya sang apo ni Prevendido-Gregori nga si Analee Antipatia.

Gintiro ang punong barangay nga utod ni the late PDEA identified drug group leader Richard Prevendido sa beach resort sang ila pamilya sa San Joaquin sang Domingo sang hapon. (JoMaque)