Bakhaw Punong Barangay Remia Prevendido-Gregori, posible ginpatay agud mapahipos sang iban nga involved sa illegal drugs suno sa Police Regional Office 6 Director

Kampo Delgado, Iloilo City–Daku ang posibilidad nga ginpatay si Bakhaw, Mandurriao Punong Barangay Remia Prevendido-Gregori agud mapahipos ini kag indi na sini matudlo pa ang iban nga involved sa illegal nga druga.

Isa ini sa mga ginalantaw nga anggulo sang kapulisan suno kay Police Regional Office 6 Director PCSUPT John Bulalacao. Posible suno sa iya nga may mga pulis nga nga konektado sa druga nga luyag magpahipos kay Prevendido-Gregori.

Pero base sa iya experiensiya sang spokesman pa siya sang Philippine National Police, may mga insidente nga sindikato sang druga ang nagapamatay.

Naghingyo si Bulalacao sa publiko nga hatagan sila sang tyempo nga masolbar ang kaso kag nagpasalig man suno sa iya si Iloilo Police Provincial Office Director PSSUPT Marlon Tayaba nga hibaluon ang motibo kag identity sang mga suspek nga nagpatay kay Prevendido-Gregori. (AGB)