Lambunao, Iloilo–Nakaluwas sa pagpangtiro ang mangunguma nga si Jimmy Patriarca, 47 anyos sang Barangay Lonoy, Calinog.

Suno kay PO3 Marvin Sison, imbestigador sang Lambunao Police Station, pauli na si Patriarca sakay sa iya motorsiklo sang naguwa sa kakahuyan sa Barangay Banban, Lambunao ang tatlo ka armado nga mga lalaki kag gintiro ang mangunguma. Wala naigo si Patriarca apang natumba ang iya motorsiklo gani napaso sang tambutso ang iya tuo nga tiil antes siya nakadalagan palagyo.

Indi kilala ni Patriarca ang mga suspek suno kay PO3 Sison. Anum ka empty shells sang ginapatihan 45 caliber pistol ang narecover sa lugar sang insidente. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply