(UPDATE) PO1 Dorben Acap kag PO2 Melvin Mocorro, pareho nga may kaso sang una suno sa Ilonggo nga abogado

Iloilo City–Napasakaan sadtu sang kaso administratibo si PO1 Dorben Acap Jr kabangdanan gin-demote ini sa halin sa police officer 2 nga ranggo.

Suno kay Atty. Hector Teodosio, nag-ugat ang kaso sang nag-upod si Acap sa buybust operation ang Philippine Drug Enforcement Agency sa balay sang drug personality nga si Avelino Ane sa Oton. Ginrekomendar sang Regional Internal Affairs Service nga i-dismiss si Acap apang sang nag-abot sa Police Regional Office 6 director, nadesisyunan nga i-demote ang pulis.

Sa bahin naman ni PO2 Melvin Mocorro, ginpahayag ni Atty. Teodosio nga ginpasakaan man ini sadtu sang kaso administratibo bangud sa pagsulod kag pag-search sa balay sang negosyante nga si Elias Bilbao sa Guimbal sa diin napatay ang subject.

Kaupod ni Mocorro ang mga miembro sang CIDG kag Special Action Force. Ginsuspender suno kay Teodosio ang iban sa ila samtang ang iban ang gin-demote.

Disappointed si Teodosio sa desisyon sang kaso tubtub nga wala na siya sang ideya sa natabu kay Mocorro. (AGB)