PO2 Melvin Mocorro nga na-ospital pila ka minutos matapos natiruhan si PO1 Dorben Acap Jr sa Arevalo, natukiban nga na-assign sa ARMM kag naka-leve sang natiruhan

Iloilo City — Assign sa ARMM Regional Mobile Force Battalion si PO2 Melvin Mocorro nga ginpahayag natiruhan sa Pakiad, Oton sang Martes, pila ka minutos lang matapos nga gintiro sang riding-in-tandem si PO1 Dorben Acap Jr.

Ginconfirmar ni Supt. Danilo Bacas, officer in charge sang ARMM Regional Mobile Force Battalion, nga 2017 pa sang na-assign sa ila si Mocorro. Apang naka-leave ang pulis tubtob sa katapusan sang Hunyo agud magbakasyon kag magpacheck-up.

Napahibalo na si Bacas nga natiruhan si Mocorro apang wala sila sang ideya kon may kahilabtanan ang pulis sa pagtiro kay Acap gani naga-coordinate ang opisyal sa Iloilo City Police Office kag Police Regional Office 6.

Ginsaylo sa Iloilo Mission Hospital kahapon si Mocorro nga may pilas sa tuo nga parte sang dughan kag tiil apang wala pa ini nakahatag sang pahayag kon ano ang natabu sa iya. Una na nga ginpahayag sang Oton police nga wala sang tiruhay sa Pakiad sang Martes sang hapon. Makaduluda ang sirkumsansya sang injuries ni Mocorro bangud nakabalos kag naigo ni PO1 Acap ang riding-in-tandem nga nagtiro sa iya. (JoMaque)