22 anyos nga lalaki sa Oton, nagreklamo nga gintayaan sang pusil, ginpreso kag ginpasibangdan nga nagpangawat sa pulis

Oton, Iloilo–Nagreklamo ang 22 anyos nga lalaki sa Oton nga gintayaan siya sang pusil sa ulo, ginpreso kag ginpasibanggan pa nga nagpangawat sa pulis.

Suno sa tagreklamo nga si Tarzan Nillos sang Brgy. Cabanbanan, Oton, una siya nga ginpasibanggan sang nagpakilala nga pulis nga nagkuha sang iya wallet sa bilyaran sa Brgy. Botong sa amo nga banwa sang Hunyo 24. Nanginwala si Nillos sa akusasyon. Ginpahayag ni Nillos nga ginbuy-an siya sang nagpakilala nga bata-bata siya sang pulis nga assign man sa Oton Police Station.

Nakibot si Nillos sang nagsulod sa ila balay ang ginreklamo nga pulis sang Domingo sang gab-i kag ginguyod siya paguwa sa diin may iban pa gid nga mga pulis nga naka-uniporme.

Ginpahayag ni Nillos nga una siya gindala sa community police assistance center sa Brgy. Botong kag ginapilit  nga ibalik ang wallet sang pulis.

Gindala sa Oton Police Station kag ginpreso ang tagreklamo. Ginakuhaan pa sang Aksyon Radyo Iloilo sang komento ang Oton police. (AGB)