Iloilo — Nagfile sang kaso sa Office of the Ombudsman batuk kay Lambunao Mayor Jason Gonzales si anay Mayor Vicente ‘Bugok’  Ramirez.

Magluwas kay Gonzales, dalahig man sa kaso kriminal angut sa Article 217 sang Revised Penal Code ukon Malversation of Public Documents kag Article 218 ukon ang Failure of accountable officer to render accounts ang mga opisyal kag empleyado nga ginpahayag nakabaton sang unliquidated cash advance; municipal accountant; municipal treasurer; signatory sa Obligation Receipt nga nagacertify nga legal kag balido ang expenses; kag iban pa nga public officials kag employees nga nagpirma sa disbursement vouchers kag iban pa nga supporting documents sang transaksyon.  Suno kay Ramirez, nagalab-ut sa P8,983,822.61 ang wala na-liquidate nga cash advances tubtob sang Disyembre 31, 2016.

May kaso administratibo man nga i-file si Ramirez bangud sa dishonesty, gross misconduct, conduct prejudicial to the best interest of the service kag grave abuse of authority.

Ginpahayag ni Ramirez nga nagfile man siya sang kapareho nga kaso batuk kay former Mayor Reynor Gonzales sang 2016 apang wala iya naresolbar sang Ombudsman bisan makapila ka beses niya nga ginfollow-up.  Ginaduso ni Ramirez ang ang preventive suspension batuk kay Gonzales kag iban pa nga opisyal kag empleyado. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply