Iloilo City — Indi maangut sang Police Regional Office 6 kay Melvin Mocorro ang pagpatay sa pila ka drug personalities sa Iloilo.

Ini ang ginpabutyag ni PRO 6 Public Information Officer Supt. Joem Malong matapos gintudlo ni PO1 Dorben Acap Jr si Mocorro nga nagtuyo magpatay sa iya sa Dulonan, Arevalo sang Hunyo 26.

Suno kay Malong, indi malipod nga maangut sa illegal nga druga ang mga napatay kag tuyo nga pagpatay kay PO1 Acap. Apang wala pa sang direkta nga makaangut sa natabu sa ila.

Liwat gin-athag sang PRO 6 nga wala sang grupo sa Iloilo nga naga-operate batuk sa mga scalawag nga police ilabe na ang mga naangut sa illegal nga druga kag mga narco-politicians nga nalawagan ni Presidente Rodrigo Duterte. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply