Isa patay, isa pilason sang naaksidente ang motorsiklo sa Mina

Iloilo — Isa patay kag isa ang pilason sang naaksidente ang motorsiklo sa Mina East, Mina kagab-i.

Dead-on-arrival sa ospital si Charlie Romano, 30-anyos sang Manhut Sur, Balasan kag driver sang motorsiklo, matapos ini natuhog sang kabilya sa baba halin sa ginakay-on nga dalan.

May pilas sa kamot kag ulo naman ang backrider nga si Jino Alimin, 24 anyos sang Sta. Cruz, Ivisan, Capiz nga padayon nga ginabulong sa ospital. Suno kay Senior Inspector Maria Theresa Lero, hepe sang Mina Police Station, madasig ang pagpadalagan sang motorsiklo ni Romano gani nagtabog ang salakyan kag napuruhan si driver. Ginpahayag nga naka0-inom sang makahulubog nga ilimnon ang duha sang natabu ang aksidente. (JoMaque)