Asod-asod nga insidente sang pagpangluthang sa Iloilo, nagtuga sang panic sa publiko suno sa PRO 6

Iloilo City — Gin-ako ni Police Regional Office 6 Spokesperson Superintendent Joem Malong nga nagtuga sang panic sa publiko ang asod asod nga insidente sang pagpangtiro sa Iloilo.  Apang nagpasalig si Malong nga ginahimo sang kapulisan ang tanan agud maseguro ang kalinong kag katawhay sa syudad.

Nagpasalig man si Malong nga ginarespeto sang pulis ang tawhanon nga kinamatarong sa pagconduct sang police operations.

Hunyo 24 sang gintiro patay sang wala makilal-an nga armado nga mga lalaki si Bakhaw, Punong Barangay Remia Prevendido Gregori sa San Joaquin. Napatay man kasunod sang insidente ang kabulig sang kapitan nga si Analee Antipatia sang Negros Occidental

Hunyo 26 naman sang gintiro sang pulis nga assign sa ARMM ang kasubong nga pulis nga gintokhang sa Brgy. Dulunan, Arevalo. (JoMaque)