DPWH kag indi contractor, may salabton sa delay nga road projects suno sa Ilonggo nga abogado

Iloilo City–Salabaton sang Department of Public Works and Highways ang delay nga mga road projects.

Suno kay Atty. Tony Pesina, ang DPWH amo ang guwardya kag may supervision sang mga proyekto pareho sang ginakay-o nga dalan gani indi nila mabasol sa contractors ang delay nga pag-obra.

Ginpa-athag ni Pesina nga nagahambal ang Korte Suprema nga indi pwede mauntat ang government projects nga makabenepisyo sa pumuluyo gani indi marason nga na-delay ang pag-obra bangud sang road right of way nga wala nabayaran. Maathag suno sa abogado ang hambal sang Korte Suprema nga wala sang makapauntat sang proyekto sang gobyerno kag awayon lang sa korte, kon indi gid man maresolbar, ang isyu sa compensation sa tag-iya sang duta nga madalasa.

Magluwas sa tiempo kag obstructions, gintumod man nga rason sang mga contractors sa delay nga road projects sa syudad ang isyu sa road right of way. (AGB)