Mga bag-o nagpungko nga Brgy kag SK officials, dapat maghimo sang namami nga impression sa pagsugod sang ila termino -DILG
Iloilo City — Ginpanugyan ni DILG Provincial Director Teodora Sumagaysay sa mga bag-o nga Barangay kag Sangguniang Kabataan officials nga maghimo sang manami nga impression sa pagsugod sang ila termino sang Hunyo 30 sang udto.
Importante suno kay Sumagaysay ang una nga 100 ka adlaw bangud diri matakus kon sinsiro sila sa pagpangalagad.
Ginpahanumdom man sini ang mga opisyal nga magserbe nga iloy kag amay sa ila barangay gani dapat nakahibalo sila magpamuno kag magmanage sang resources.
Ginpabutyag ni Sumagaysay nga tuman man ka importante nga nahangpan kag nahibaluan sang mga barangay kag SK officials ang Local Government Code bangud ini ang ila bibliya sa public service. (JoMaque)