Iloilo — Nagsurrender ang NPA member sa Bingawan pagkatapos sang 10 ka tuig nga pagtenir sa kabukiran.

Suno kay Senior Inspector Ramil Jacaba, hepe sang Bingawan Police Station, nadesisyunan ni Ka Lim, 27-anyos, nga magsurrender bangud luyag na niya nga magpakalinong kag magpahuway kasunod sang pila ka tuig nga pagsaylo saylo sang lugar sa kabukiran.

Ginpabutyag ni Ka Lim suno kay Jacaba nga ginarasyonan lang sila sang pagkaun samtang nagapanago sa kabukiran.

17-anyos pa lang si Ka Lim sang nag-intra sa New Peoples Army. Halos 4 ka tuig nga nangin aktibo nga miembro si Ka Lim sa Limbao Unit sang Coronacion Chiva Waling Waling Command, Central Front sa Iloilo sang NPA.

Nagtahaw ang partisipasyon ni Ka Lim sa hublag sang nagkapamilya apang padayon nga may koneksyon sa mga rebelde.

Ginaproseso subong ni Ka Lim ang pag-avail sa mga programa sang gobyerno nga ginpasalig ni Presidente Rodrigo Duterte. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply