Arevalo, Iloilo — Ginbuyagyag sang duha ka nadakpan sa drug operation nga preso sa Bureau of Jail Management and Penology sa Ungka, Jaro ang ila katransaksyon sa pagbaligya sang illegal nga druga.

Ini ang ginconfirmar ni PO2 Leonard Aquiatan, intel chief investigator sang Arevalo Police Station.

Suno kay Aquiatan, may contact sanday Coroelo De Guzman, 22-anyos, kag Boshein George Castillo, 27-anyos sa wala ginhingadlan nga preso sa amo nga jail facility.

Posible may cellphone ang gintumod nga preso sa BJMP Ungka suno kay Aquiatan base sa panaysayon sang mga arestado.

Antes ang insidente, madamo na nga mga impormasyon ang nabaton ang pulis nga nagatudlo sa nagkalain lain nga preso sa BJMP-Ungka sa pagtransaksyon sa illegal nga druga.

Ginakuhaan pa sang Aksyon Radyo sang pahayag ang mga nadakpan. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply