Iloilo  — Ginakulbaan man si Carles Mayor Sigfred Betita sa sunod-sunod nga pagpamatay sa mga local chief executives, pila sa ila ang naangut sa illegal drugs pareho niya nga nalakip sa ‘narco list’ ni Presidente Rodrigo Duterte.

Gin-athag ni Betita nga wala niya ginabasol ang presidente bangud nagabaton man lang ini sang reports. Pero ginsulit sang alkalde nga indi matuod ang akusasyon batuk sa iya.  Ginabilin ni Betita sa iya mga pumuluyo kon ano ang patihan pero ginamentinar sini nga inosente siya.

Nagreact si Betita kasunod sang pagtiro patay sang Hulyo 2 kay Tanauan, Batangas Mayor Antonio Halili nga gin-angut sa illegal drugs ang pangalan bisan istrikto ang iya kampanya batuk sa ginadumilian nga druga.  Kahapon sang hapon, gintiro patay naman si General Tinio, Nueva Ecija Mayor Ferdinand Bote samtang nagapaguwa sa National Irrigation Administration compound sa Cabanatuan City. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

0 thoughts on “Carles Mayor Sigfred Betita, nakulbaan sa asod-asod nga pagpamatay sa mga alkalde ilabe na sa mga nalakip sa narco list ni Pres. Duterte”

Leave a Reply