ICPO Headquarters–Wala sang pagbalasa sa mga chiefs-of-police sa syudad.

Ini ang paathag ni  Iloilo City Police Office Director PSSUPT Henry Biñas kasunod sang naguwa nga impormasyon nga may relief order si PSI Mary Grace Borio, hepe sang Arevalo Police Station kasunod sang pagtiro kay PO1 Dorben Acap Jr sa Dulonan, Arevalo.

Suno kay Biñas, ginsaylo lang si Supt. Alexander Rosales bilang bag-o nga company commander sang Iloilo  City Mobile Force Company tal-os kay Supt. Efren Lozada nga ginpahamtang bilang bag-o nga hepe sang Traffic Investigation and Enforcement Unit nga ginhalinan naman ni Rosales. Ginbutang sa ICMFC si Rosales bangud kulang sa SAF commando training si Lozada suno kay Biñas.

Ang mandu suno sa iya naghalin sa PNP Directorate for Operations sa Camp Crame.

Dugang pa ni Biñas, kontento siya sa performance sang mga chiefs of police sa syudad gani wala sang rason agud magpatuman sang reshuffling. (AGB)

 

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply