Iloilo City — Nagreklamo ang mga winners sang Mister Iloilo 2018 bangud wala nila makuha ang ila cash prize matapos ang pageant night.

Suno kay Mister Earth Iloilo 2018 Kevin Escopel, nagkondisyon ang presidente sang Youth Proyekto Philippines kag organizer sang pageant nga si Daniel Agan nga makuha lang nila ang cash prize nga P5,000s kun maghatag sila sang 160 hours nga community service.

Magluwas diri, nagakadapat man nga magconduct pa gid sila sang apat ka mga events antes makuha ang ila prizes. Antes ang pageant night, ginpamangkot sang mga kandidato ang organizer natuhoy sa ila batunon nga cash prize apang ginpahayag nga ginalain ni Agan ang istorya kag may tion pa nga nagapangakig ini.

May kondisyon pa suno kay Escopel si Agan nga installment ang pagkuha sang ila cash prize. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply