Iloilo City — Nadugangan pa gid ang kaso sang leptospirosis sa Western Visayas base sa record sang Department of Health regional office 6.

Suno kay Dr. Maria Sofia Pulmones, chief sang DOH 6 Local Health Support Division, 239 ang kaso sang leptospirosis sa rehiyon halin Enero Tubtob Hulyo 23 subong nga tuig. Mas mataas ini sang 23% kon ikumparar sa pareho nga period sang nagligad nga tuig.  29 naman ang narecord nga napatay subong nga tuig.

Pa-athag ni Pulmones, infectious disease ang leptospirosis kag carrier sang bacteria ang ilaga lakip ang iban pa sapat pareho sang karabaw, baka, ido kag baboy.  Pinaka-agresibo suno kay Pulmones nga carrier ang ilaga kag nagalapta ang bacteria paagi sa ihi sang sapat.

Indi tanan nga kaso sang leptospirosis ang patal.  Suno kay Dr.  Pulmones,  nakadepende ang survival sang pasyente kon ano na ka-lala ang kondisyon sang natukiban nga na-infect sang balatian.

Kalabanan suno kay Pulmones sa mga nagalala ang kondisyon kag nagakapatay ang may kumplikasyon na sa major organs. Ang bacteria sang leptospirosis, naga-apekto sa kidney, atay, utok kag corazon.

Posible matapikan sang balatian kon may contact ang panit nga may pilas ukon gasgas sa tubig nga kontaminado. Ang mga sintomas sang leptospirosis amo ang masobra duha ka adlaw nga mataas nga hilanat, pagpanalakit sang lawas ilabe na sang pusog-pusuganm, sakit sa ulo, nagapula nga mata, yellowish nga color sang ihi kag naga-yellowish nga panit kag mata.   (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply